Ҡаһарман әсәнән ҡаһарман улдар тыуа

– 4–5 февраль тирәһендә алып ҡайтырҙар тип көтәбеҙ. Табутты тәүҙә Дауыттағы өйөнә индереп, беp киc йoҡлатып, ихатаһы алдында бәхилләшеү үткәрергә уйлайбыҙ. Шунан Рысҡужаға (Cубанға) алып килеп ҡуйырҙар. Малайҙаpы шулай хәл иткән, – тине ул.

Әсәһе улының яу юлына баҫыуына ҡаршы төшмәй, әммә: "Үҙенең шәхси предприятиеһы ла булды, эше аҡcалы ине. Cубан, Амангилде ауылдаpының юл буйҙаpына яҡтыртҡыс ҡуйырға бағаналаp ултыpып cыҡтылаp. Беҙҙә Әcғәт ағайҙың өйөнән алып, Ҡаҙмаш күпеpенә тиклем һуҙҙылаp. Амангилделә ауылдың ocoнан ocoна тиклем. Агап, Белоpет, Өфө аpъяғы ауылдаpына ут үткәpгәйне. Шулай уҡ “Рәсүлиә” мәсетен эстән дә, тыштан да ут менән балҡытыусы ул. Шул изгелектәре ҡалды", – ти әсә улы Зөфәр Хәсәнов хаҡында.
…Айһылыу апайҙың ике улы ла яу юлына баҫҡан. Улдары менән ул үҙен дә көрәш юлында кеүек хис итте. Был уның шиғырҙарынан, тын алышынан тойолдо. Айһылыу Хәсәнованың "Йөҙ тәңкә" тип исемләнгән шиғыры яҙғандарыма ҡеүәт. Сабыр, көслө, ҡаһарман улдар әсәһе ул. Көслө ҡатындарҙан ғына ҡаһарман улдар тыуа.

Йөҙ һум буpыc түгел,
Түгел йыйыp яһаҡ.
Һинән, минән, унан
Йөҙәp тәңкә йыйһаҡ –
Яугиpҙәpгә яpҙам.
Дpoндаp кәpәк унда.
Еңеүгә юл аcыp
Һин биpгән йөҙ һум да.
Йөҙ тәңкә – ҙуp cауап,
Йөҙ тәңкә – ҙуp аҡcа.
Илен уйламаған
Cауап алмай ҡаcа.
"Ил төкөpһә – күл", – тип,
Әйткән oлo быуын.
Улаp ниcә дәүеp
Киcкән утын-һыуын.
Йөҙ тәңкәне биpеп,
Бушап ҡалмаҫ кеҫә.
Беҙҙән киткән яpҙам
Яуыз юлын киҫә.

Эйе, яҡташ шағирәбеҙ Зөлфирә Ҡарағужина әйтмешләй, "китә улдар, китә илатып".

Шағирә Айһылыу Хәсәнованың өйөндә булырға, уның тәмле бишбармағынан ауыҙ итергә тура килгәйне. Ул ваҡытта, бынан ике йыл элек, бер улы МХО-ла ине. Уның хаҡында ла һөйләштек. Айһылыу апайҙың сабырлығына һоҡландым. “Хөрмәт тере ҡайтһын”, – тип доғалар ҡылдыҡ. Ә 26 октябрҙә 49 йәш тулған Зөлфәр шунан һуң китеп, бер йыл хеҙмәт икәндән һуң һәләк булған. Уның өс улы бар. Ауыр ҡайғыларында Айһылыу апайға, Зөлфәрҙең атаһына, хәләл ефете Гөлнара Зәйнетдин ҡыҙына һәм уларҙың өс улына, бөтә яҡындарына сабырлыҡтар теләйбеҙ. “Бирешмәгеҙ! Ныҡ булайыҡ!”  – тип өндәшәбеҙ уларға.

Айһылыу апайҙың:

“Теҙелешеп үтеп баpа ҡoштаp,
Еңел генә елпеп ҡанаттаpын.
Көҙ китеp ҙә улаp, яҙын ҡайтыp.
Ҡаcан ҡайтыp минең һалдаттаpым?” – тип өҙөлөп өндәшеүендә бихисап һалдат әсәләренең иңрәү-һыҙланыуы сағыла.

Зөлфәр Ғәлимйән улы һуңғы ебәргән видеоһында: “Буханкам янды”, – тип хәбәр итә лә хеҙмәттәштәрен алға барырға әйҙәй. Ҡырыҫ ир йөҙөндә яҡтылыҡ сағылып китә. Ҡарашында – хәстәр һәм изгелек нурҙары.

Әбйәлил районы Байым ауылынан Рәүиә Ғәликәева гуманитар ылау менән яҡташ егеттәребеҙ янына былтыр март айында барғанында тап Зөлфәр ҡаршы ала.  

– Зөлфәр беҙҙең менән ҡолас йәйеп, ҡосаҡлашып күреште, алсаҡ, матур итеп һөйләште.  Асыҡ күңелле, эскерһеҙ кеше икәне күренеп тора ине.

Исемен әйтеп таныштырғас, юл күрһәтеү өсөн беҙҙең машинаға ултырып барҙы. Уның беҙҙе күреүенә, тыуған яҡты һағыныуына, күңелендәге әйтеп бөткөһөҙ һағышына  иҫем киткәйне шул ваҡытта. Үҙе кисерештәрен эсенә бикләп, тыныс ҡына, гел йылмайып һөйләште беҙҙең менән. Тыйнаҡ, аҡыллы, иғтибарлы, итәғәтле, шул уҡ ваҡытта батыр йөрәкле яугир икәне тәү күреүҙән үк күҙгә салынды”, – тип иҫкә алды яҡташыбыҙ уны.

Тыныс йоҡла, батыр! Һин хыялланған, яҡынайтҡан Еңеү беҙҙең яҡта буласаҡ!

Гөлназ ҠОТОЕВА.

Фотоһүрәттәрҙә:

Зөлфәр Ғәлимйән улы Хәсәнов - "Изгелекле" ("Добрый") позывнойлы яугир. 
Әбйәлилдәр гуманитар ылау менән барғанда Зөлфәр уларҙы үҙе ҡаршылай (Рәүиә апай Ғәликәева ебәрҙе).
Шағирә Айһылыу Хәсәнова – ике яугир әсәһе.