Һайлауҙа ҡатнашасаҡтар

"Башҡортостан геройҙары" кадрҙар программаһында ҡатнашыусылар Өфө ҡала советына һайлауҙарға документтар тапшырған.

Алина Маннанова –  хәрби табип. 2023 йылда ул контрактҡа ҡул ҡуйған һәм Луганск Халыҡ Республикаһына юлланған, унда яралыларҙы фронт һыҙығынан эвакуациялаған. Ҡайтҡас, ирекмәнлек эшенә тотонған: хәҙер ул маскировка селтәрҙәре үрә, блиндаж шәмдәре эшләй, гуманитар йөк йыя һәм оҙата. Шулай уҡ БДМУла Тактик медицина үҙәге менән етәкселек итә.

Зинера Слабожанко –  хәрби фельдшер, махсус хәрби операция ветераны. Бөгөн ул "Ватанды һаҡлаусылар" фондының Башҡортостан филиалында социаль координатор һәм РФ Оборона министрлығының хәрби-социаль үҙәге аналитигы булып эшләй.

Ике кандидат та Өфөнөң Орджоникидзе районында урынлашҡан 15-се территориаль төркөмдән "Берҙәм Рәсәй" партияһының алдан тауыш биреүендә ҡатнашыуға документтар тапшырҙы. Шулай уҡ Өфө ҡала советына һайлауҙарға "Башҡортостан геройҙары" кадрҙар программаһында ҡатнашыусы тағы дүрт кеше - Даниил Зәйнәпов, Александр Илтуғанов, Руслан Садиҡов һәм Рафаэль Солтанов документтар тапшырҙы.

Фотолар геройҙарҙың шәхси архивынан.