Был йөк госпиталгә юлланды

Дүртөйлө районы ла махсус хәрби операция биләмәһенә даими рәүештә гуманитар ярҙам ебәреп тора. Май айында улар 38-се ярҙам йөгөн яугирҙәргә алып барғайны, яңыраҡ тағы ла бер ылауҙы госпиталгә оҙаттылар.

– Дүртөйлө районынан мөһим миссия менән Дондағы Ростовҡа гуманитар йөк оҙаттыҡ. Ярҙамды махсус хәрби операция яугирҙәре дауаланған госпиталгә алып барҙылар. Шәхси транспортта посылкаларҙы яҡташыбыҙ Филүс-"Бөркөт" алып китте, ул гуманитар конвойҙы даими оҙатып алып барып тора.

Дарыуҙар, гигиена саралары, кәрәк-яраҡтар, шулай уҡ Дүртөйлө оҫталары һәм ирекмәндәре әҙерләгән әйберҙәр ебәрҙек. Беҙҙең йылылыҡтың бер өлөшө госпиталдәге егеттәрҙе ҡыуандырыр, уларға тиҙерәк һауығырға ярҙам итер, тип ышанғы килә. Һәр шундай йөк – беҙҙең яҡташтарыбыҙға уларҙың батырлығы һәм сыҙамлығы өсөн рәхмәт һүҙҙәре ул. Был ярҙамды йыйыуға үҙ көсөн һалған вайымһыҙ кешеләргә ихлас рәхмәт. Филүскә ышаныслылығы һәм гражданлыҡ позицияһы өсөн айырым рәхмәт, – тине Дүртөйлө районы хакимиәте башлығы Риф Йосопов.

Фото: Риф Йосоповтың “Бәйләнештә”ге сәхифәһенән.