0 °С
Ясна
Бөтә яңылыҡтар
Иҡтисад
25 Август 2020, 14:00
Андрей Назаров: “Ҡунаҡтар алдында йөҙөбөҙ ҡыҙарырлыҡ булмаһын”
Республикала юл яны сервисын үҫтереү йәһәтенән әүҙем эш алып барыла. Башҡортостан Хөкүмәте Премьер-министрының беренсе урынбаҫары Андрей Назаров ошо турала белдерҙе.
Республикала юл яны сервисын үҫтереү йәһәтенән әүҙем эш алып барыла. Башҡортостан Хөкүмәте Премьер-министрының беренсе урынбаҫары Андрей Назаров Фейсбук селтәрендәше сәхифәһендә ошо турала былай тип яҙҙы.
“Юл яны сервисын яҡшыртыу мәсьәләһенә етди иғтибар биреүебеҙ тураһында әйткәйнем инде. Шунһыҙ республикаға туристар килмәҫ, үҙебеҙгә лә йәшәү бигүк уңайлы булмаҫ.
Аҙнаһына бер тапҡыр ошо тема буйынса айырым кәңәшмә үткәрәм. Бөгөн дә шуның менән шөғөлләндем, коллегаларым менән бөтә участкаларҙың генераль схемаһын төҙөү буйынса фекер алыштыҡ. Был бик мөһим эш. Төҙөлөш майҙансығынан тыш, инвестор тулы документтар пакетын да алырға тейеш. Уға газ, электр үткәреүгә, федераль трассаға тоташыуҙың техник шарттарына ҡағылған мәғлүмәттәр кәрәк.
Шуға күрә бизнесҡа республикаға килеү юлын еңеләйтәбеҙ. Аҙнаһына тиҫтәгә яҡын инвестор килә. Дөйөм алғанда, әле өс миллиард һумлыҡ бизнес проекты буйынса эш бара. Уларҙы тормошҡа ашырһаҡ, юлдар бөтөнләй икенсе төҫ аласаҡ.
Киләсәктә Бөтә донъя фольклориадаһы һәм WorldSkills кеүек ҙур халыҡ-ара һәм Рәсәй сараларын ойоштороуыбыҙ тураһында ла оноторға ярамай. Ҡунаҡтар алдында йөҙөбөҙ ҡыҙарырлыҡ булмаһын. Бының менән килешерһегеҙ, моғайын. Өҫтәүенә, инвесторҙар йәлеп итеү, иҡтисадты артабан үҫтереү өсөн ыңғай үҙгәрештәр кәрәк. Тимәк, был йәһәттән бөтә мәсьәләләр ҙә бер-береһенә бәйләнгән”, – тип яҙа беренсе вице-премьер.
Мәғлүм булыуынса, республикала ошо өлкәлә башҡарылған эш ил Президенты Владимир Путиндың май указы менән раҫланған “Хәүефһеҙ һәм сифатлы автомобиль юлдары” милли проектын тормошҡа ашырыуға булышлыҡ итә.
Фото: facebook.com
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43