Мөмкинлектәр кәмемәне: экспортерҙар проблемаларына яңыса ҡараш

Донъя экспортерҙары сауҙа берләшмәһенә ҡушылырға теләгән һәр предприятие өсөн халыҡ-ара сауҙаның үҙенсәлектәре бар һәм уға яраҡлашыу ҡотолғоһоҙ. Әммә бында яңы баҙарҙарҙы үҙләштергәндә  үҙеңдең коммерция һәләттәренә генә иҫәп тоторға ярамай. Һеҙгә тура килгән сит ил партнерҙары менән эш итеү схемаһын табыу, ағымдағы ысынбарлыҡта логистик ҡарарҙарҙы һайлағанда хаталарға юл ҡуймау өсөн бик күп факторҙарҙы иҫәпкә алырға кәрәк. Дөрөҫ уйланылған стратегия һәм экспорт эшмәкәрлеген алып барыуҙа төрлө инфраструктураларға профессиональ консультация предприятиеларға халыҡ-ара баҙарға уңышлы сығырға ярҙам итәсәк.

- Башҡортостан үҙебеҙҙә етештерелгән продукцияны донъяның 120 иленә оҙата һәм был мөмкинлектәр тулыһынса ҡулланылып бөтмәй әле. Уҙған йыл был йәһәттән үтә мөһим булды һәм был секторҙың динамикаһы кәмемәй. Әлеге ваҡытта санкцияланған илдәргә беҙҙә экспорттың өстән бер өлөшө тура килде, әле беҙ тышҡы сауҙа йүнәлештәрен компенсациялауға иҫәп тотабыҙ. Беҙ БДБ илдәре, Яҡын Көнсығыш, Азия баҙарҙары яғына йөҙ борҙоҡ - тип һөйләне Башҡортостан Республикаһы тышҡы иҡтисади бәйләнештәр һәм конгресс эшмәкәрлеге министрының беренсе урынбаҫары Лена Изотова.

- Әгәр элек уңыш күп осраҡта селтәрле маркетинг менән бәйле булһа, хәҙер иһә бындай хәлдәр йышыраҡ маркетплейстарҙағы хеҙмәт хаҡтарына бәйле. Эйе,  электрон коммерцияға етди зыян килде - Рәсәй компаниялары майҙансыҡтарҙың күбеһендә проблемаларға юлыҡты: теркәлеү ҙә, аҡса сығарыу ҙа, түләү системаларын тоташтырыу ҙа. Әммә был ҡарарҙарҙы “оҙатыусылар” илдә байтаҡ юлдар тәҡдим итә. Шуны ғына билдәләп үтәйем: йыл башынан  Рәсәйҙең бәләкәй компаниялары,  ваҡлап һатыу экспортары ярты миллиард долларға сауҙа иткән. Беҙ экспортерҙарыбыҙға элеккесә Амазонда эшләргә ярҙам итәбеҙ, һәм Рәсәйҙә элекрон сауҙала Башҡортостандың Экспортҡа булышлыҡ итеү үҙәге шул тиклем әүҙем ярҙам күрһәтеүен  билдәләп үтәм, - тип һыҙыҡ өҫтөнә алды “ Аспер “компания директоры Александра Ляврик.

Сит илдәге күргәҙмә-йәрминкә сараларында һәм бизнес-миссияларҙа ҡатнашыу  ғәмәлдәге һәм потенциаль экспортерҙарҙың туранан- тура ҡатнашыуының актуаллеге йәнә артты. Был  тышҡы сауҙа контракттарына гарантия  килтерә.

-Беҙ экспортҡа булышлыҡ итеү федераль институты булып ҡалабыҙ, яңы шарттарҙа импортҡа мандат алдыҡ. Тиҙҙән транспорт йөрөтөү буйынса сертификацияға субсидиялар биреү тергеҙелә.  Made in Russia программаһын яңынан эшләтеп ебәреү яҡынлаша, ул- ирекле сертификациялау программаһы.  Хәҙер Рәсәй экспортының төп күргәҙмә фокустары Бойондороҡһоҙ Дәүләттәр Берләшмәһе, Яҡын Көнсығыш, Африка илдәренә күсерелә. Ләкин күргәҙмәләрҙән тыш - беҙҙең ярҙам менән унда бизнес-миссиялар ағымы ла йүнәлтелгән. Ҡытай, Вьетнам, Берләшкән Ғәрәп  Әмирлектәрендә һәм Мысырҙа аҙыҡ-түлек продукттарын, агросәнәғәт комплексы продукцияһын күргәҙмәгә ҡуйырға, улар менән танышырға мөмкин, - тип һөйләне сессияла ҡатнашыусыларға "Рәсәй экспорт үҙәге"  йәмғиәтенең Өфөләге вәкиллеге етәксеһе Ренат Маняпов.

Фото: Башҡортостан Хөкүмәте матбуғат хеҙмәте.