-5 °С
Болотло
Бөтә яңылыҡтар
Хәүефһеҙлек
18 Март 2020, 18:00
Күрәләтә ялған хәбәрҙәргә ышанмайыҡ!
Бөгөн “инфодемия” термины көнүҙәк.
Республика Башлығы Радий Хәбиров республикаға короновирус инфекцияһын индереү һәм таратыуға юл ҡуймау буйынса оператив штаб ултырышында халыҡты ҡуҙғытҡан ялған яңылыҡтарға тағы ла берҙе айырым туҡталды. Етәксе белдереүенсә, әле улар ғауға ҡуптарыу менән генә сикләнмәй, ә дошмандарса мәғлүмәт һөжүме алып бара.
– Әле фейк яңылыҡтар ике ағым менән килә. Тәбиғи юл – ҡайһы бер юҡ-барҙы һөйләгән һәм хәлдең айышына төшөнмәгән кешеләр тарафынан. Шулай уҡ маҡсатлы рәүештә мәғлүмәт таратыусылар ҙа бар. Маҡсат аңлашыла – хәлде тотороҡһоҙландырыу, халыҡты ил һәм власҡа ҡаршы ҡуйыу. Беҙҙең маҡсат – ялған һәм халыҡты ҡуҙғытҡан хәбәрҙәрҙе кире ҡағып, мәғлүмәт мөхитен ыңғай яңылыҡтар менән тултырыу. Яҡынлашҡан хәүефкә тыныс ҡарайбыҙ, тормош алға бара, – тип белдерҙе Радий Фәрит улы.
“Башинформ” асыҡ акционерҙар йәмғиәтенең директорҙар советы рәйесе Ростислав Мырҙағолов ялған мәғлүмәттәрҙең социаль селтәрҙәр һәм мессенджерҙар аша таралыуы хаҡында һөйләне.
– Рәсәйҙә һәм башҡа илдәрҙә бындай эшмәкәрлек өсөн ҡулға алынған кешеләр бар инде. Бөгөн яңы “инфодемия” термины көнүҙәк – күрәләтә ялған хәбәр таратыу эпидемияһы, – тине ул.
Ростислав Мырҙағолов киң мәғлүмәт сараларын һәм халыҡты тик федераль һәм республика оператив штабтарының, Бөтә донъя һаулыҡ һаҡлау ойошмаһының рәсми мәғлүмәттәренә генә таянырға саҡырҙы.
Фото: БР Башлығы сайтынан.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43