-3 °С
Ҡар
Бөтә яңылыҡтар
Хәүефһеҙлек
3 Август 2020, 15:00
Эх, балалар йәл
Видеояҙмала күренеүенсә, малай ихатала уйнап йөрөгән һәм...
1 августа кис баш ҡалалағы Б. Бикбай урамындағы 40-сы йорт ихатаһында “Hyndai Santa Fe” машинаһына идара иткән 34 йәшлек водитель 9 йәшлек малайҙы бәрҙергән. Баҡтиһәң, бала парковкаланған машиналар артынан ҡапыл килеп сыҡҡан. Өҫтәүенә, был хәл домофон камераһында ла теркәлгән. Ундағы видеояҙмала күренеүенсә, малай уйнап йөрөгән дә, ихата үткәүеле аша йүгергән һәм машина тәгәрмәсе аҫтына эләккән. Водитель туҡтаған һәм балаға ярҙам итергә ашыҡҡан. Һөҙөмтәлә башы йәрәхәтләнгән баланы дауаханаға илткәндәр.
Бала ҡатнашлығындағы икенсе фажиғә Дүртөйлө – Нефтекама юлының 31-се километрында теркәлгән. 2 августа Нефтекама ҡалаһынан 42 йәшлек водитель “Toyota Camry” машинаһында кюветҡа бәрелгән һәм әйләнгән. Республика ЮХХДИ-һы мәғлүмәттәренә ҡарағанда, бер түгел өс кеше – ҡатын, уның дүрт йәшлек улы һәм 81 йәшлек атаһы – дауаханаға эләккән.
Дәүләт автонспекторҙары водителдәргә юл хәүефһеҙлеге ҡағиҙәләрен һәм тиҙлек режимын һаҡларға юҡҡа ғына саҡырмай. Балаларҙың ата-әсәләренә, яҡындарына автомобиль салонындағы малайҙарҙың һәм ҡыҙҙарҙың хәүефһеҙлеге хаҡында хәстәрлек күреү – балалар өсөн махсус креслоларҙы һәм хәүефһеҙлек ҡайышын ҡулланыу – мотлаҡ. Өҫтәүенә, урамда уйнаған бәләкәстәргә күҙ-ҡолаҡ булыу, уларға юл хәүефһеҙлеге ҡағиҙәләрен өйрәтеү ҙә әллә күпме бәлә-ҡазанан ҡурсаяласағы хаҡында онотмаһаҡ ине.
Фото: республика ЮХХДИ-һы.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43