-3 °С
Ҡар
Бөтә яңылыҡтар
Хәүефһеҙлек
6 Август 2020, 13:30
33 йәшлек ир батҡан
Йәнә бер тапҡыр иҫкәртәбеҙ: спиртлы эсемлектәр ҡулланып, һыуға инеү ҡәтғи тыйыла
Көндәр һыуытҡас, республикала һыуҙа батып үлеүселәрҙең һаны бер аҙ туҡталып торғайны ла ул. Әммә һауа торошоноң ҡайтанан эҫе булыуы халыҡты йәнә йылға-күл буйҙарына алып килде. Ҡыҙғанысҡа ҡаршы, был аҙна башында Өфө ҡалаһынан 33 йәшлек ирҙең батыуы хаҡында хәбәр алынды. Дүшәмбе кис көнө осраҡлы үтеп барыусылар Ағиҙел йылғаһы ярында, Өсөнсө пристань биҫтәһенән йыраҡ түгел урында ир-ат кейемдәренә юлыға. Ваҡиға урынына ҡотҡарыусылар һәм полиция саҡырыла.
Юғалған ирҙе эҙләүгә ҡотҡарыу, хоҡуҡ һаҡлау хеҙмәткәрҙәре йәлеп ителә, уларға ирекмәндәр ҡушыла. Кисә сәғәт 11-ҙәр тирәһендә уның кәүҙәһе һыуҙан сығарыла. Яҡынса күҙаллауҙар буйынса, һәләк булыусы эскән килеш һыуға төшкән, әле үлем осрағы тикшерелә.
Йәнә бер тапҡыр иҫкәртәбеҙ: спиртлы эсемлектәр ҡулланып, һыуға инеү ҡәтғи тыйыла. Сөнки үҙегеҙ ҙә һиҙмәҫтән тәнегеҙҙең тартышыуы ихтимал, был осраҡта һеҙҙе ҡотҡарыу мөмкинлеге сикләнә. Сөнки йөҙөп йөрөүсе артабан йөҙә алмай, сәбәләнеп тә һыу төбөнә йә иһә һыуға сәсәп үлеүе мөмкин. Һыуҙа һаҡ булығыҙ, рөхсәт ителмәгән урындарҙа һыу инмәгеҙ!
Фото: zen.yandex.ru
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43