-3 °С
Ҡар
Бөтә яңылыҡтар
Милли проекттар
13 Февраль 2020, 15:00
Социаль контракттар төҙөүгә – бер миллион һумдан ашыу
Аҡсаны эш эҙләү, һөнәри белем алыу, шәхси эшмәкәрлек һәм шәхси ярҙамсы хужалыҡ өсөн, шулай уҡ ҡайһы бер ауыр хәлдәрҙә, мәҫәлән, эскесе ата-әсәне дауалау, торлаҡ-коммуналь хеҙмәттәргә түләү маҡсатында файҙаланырға мөмкин.
Рәсәй Президенты Владимир Путиндың башланғысы менән тормошҡа ашырылған “Бәләкәй һәм урта эшҡыуарлыҡ” милли проекты нигеҙендә өс йылда республикаға социаль контракттар төҙөүҙә бер миллиард һумдан ашыу аҡса бүленә.
Аҙ тәьмин ителгән граждандарға, контракт маҡсаттарына ҡарап, 15 меңдән 100 мең һумға тиклем аҡса бүлеүҙе күҙ уңында тотҡан проекттың төп маҡсаты – халыҡты социаль яҡлау, уларҙың матди хәлен яҡшыртыу.
Башҡортостан Хөкүмәте Премьер-министры урынбаҫары – ғаилә, хеҙмәт һәм халыҡты социаль яҡлау министры Ленара Иванова әйтеүенсә, проект тормошҡа ашырыла башлаған осорҙан алып 6,5 меңдән ашыу кеше (нигеҙҙә, ишле ғаиләләр) социаль контракт төҙөгән, шуларҙың 98 проценты алған аҡсаны шәхси ярҙамсы хужалыҡты үҫтереүгә тотонған, ике проценты – үҙ эшен асыуға, бер проценттан аҙырағы иһә һөнәри белем алыуға йүнәлткән.
Киләһе өс йылда бындай социаль ярҙам мөмкинлектәрен тағы ла киңәйтеү ҡарала. Әйткәндәй, Башҡортостан социаль контракттарҙың федераль системаһы һыналасаҡ 21 төбәк иҫәбенә инде.
– Федераль контракт буйынса алынған аҡсаны эш эҙләү, һөнәри белем алыу, шәхси эшмәкәрлек һәм шәхси ярҙамсы хужалыҡ өсөн, шулай уҡ ҡайһы бер ауыр хәлдәрҙә, мәҫәлән, эскесе ата-әсәне дауалау, торлаҡ-коммуналь хеҙмәттәргә түләү маҡсатында файҙаланырға мөмкин буласаҡ, – тине Ленара Иванова.
Фото: uszn032.ru
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43