Бөтә яңылыҡтар
Сәләмәт булайыҡ
19 Июль 2019, 20:30

Витаминдар хазинаһы ул

Йәй. Баҡсала емеш-еләк, йәшелсә өлгөрә. Уларҙың һәр береһе тиерлек тәбиғи витаминдар хазинаһы. Мәҫәлән, йәшел һуған.

Йәй. Баҡсала емеш-еләк, йәшелсә өлгөрә. Уларҙың һәр береһе тиерлек тәбиғи витаминдар хазинаһы. Мәҫәлән, йәшел һуған.


Тәү ҡарауға әллә ни әһәмиәтле күренмәһә лә, ғәжәп файҙалы. Ул 93 процент һыуҙан тора, ҡалған ете проценты – кеше организмы өсөн кәрәкле витаминдар һәм минералдар. Унда А, С, Е, В 1, В 2, В 3 витаминдары, калий, натрий, селен, тимер, цинк, магний, фосфор, кальций күп.


Йәшел һуған организмдың ауырыуҙарға ҡаршы тороу­санлығын арттыра, һалҡын тейгәндә ярҙам итә, холестеринды кәметә, ҡан тамырҙарын нығыта, теш һәм ҡаҙналыҡҡа файҙаһы ҙур. Ауыҙҙағы зарарлы микро­организм­дарҙы кәметә, ҡаҙналыҡта ялҡынһы­ныу­ҙы һәм бактериаль стоматитты дауалай.


Рационда даими булғанда, ир-егеттәр организмы өсөн дә файҙалы. Йәшел һуғанда цинк күп, шунлыҡтан ҡатын-ҡыҙҙарҙың репродуктив сис­темаһына ыңғай йоғонто яһай. Сәс, тырнаҡ, тире торошон да яҡшырта.


Фолий кислотаһына бай булыу сәбәпле, ауырлы ҡатын-ҡыҙҙарға ла шифалы. Хроник гастрит, ашҡаҙан, ун икеле эсәк йәрәхәте, ҡурылдай быу­маһы, гипертония, аллергия, үпкә ауырыуҙары киҫкенләшкәндә йәшел һуған ашарға кәңәш ителмәй.