Бер минут етә

Һуңғы осорҙа, организмда матдәләр алмашыныуын көйләү өсөн биологик әүҙем нөктәләрҙе һылау файҙалы, тип яҙалар. Әммә был һылау күп ваҡытты ала.

Д.В. Корни үҙенең “Энәһеҙ нөктә – һылау” тигән китабында бер минут эсендә генә лә үҙеңде ипкә килтереүсе нөктә – һылау методикаһын өйрәтә.

1. Йәһәт кенә усты усҡа ышҡығыҙ (5 секунд).
2. Ҡыҙған бармаҡтар менән йәһәт кенә сикәләрҙе өҫтән аҫҡа ышҡығыҙ.
3. Бармаҡтарҙы баш түбәһендә “бейетеп” алығыҙ (5 секунд).
4. Ҡулды йоҙроҡлап төйөп, тиҙ-тиҙ генә беләктәрҙең һыртын һәм эске яғын ышҡығыҙ (өс тапҡыр).
5. Баш һәм һуҡ бармаҡтар менән ипләп кенә ҡалҡан биҙенә баҫып алығыҙ (өс тапҡыр).
6. Муйында тибеп торған йоҡо артерияһын табып, ипләп кенә баҫығыҙ һәм 5-кә тиклем һанағыҙ. Бушатығыҙ. Тәрән итеп тын алығыҙ.
7. Баш бармаҡ менән баш мейеһенең соңҡалығы (умыртҡа менән тоташҡан ерендә) соҡорон табып, өскә тиклем һанағансы баҫып тороғоҙ (өс тапҡыр ҡабатлағыҙ).
8. Аяҡтағы рефлектор зоналарҙы һылау:

а) баш бармаҡтың осон, аҙаҡ битен ҡыҫығыҙ. Ауыртып торған нөктә беленһә, ауыртыуы бөткәнсе ышҡығыҙ.

б) баш һәм һуҡ бармаҡтар менән сираҡ һеңерен ҡаты ғына итеп матҡып тотоп, ҡыҫығыҙ, шунан бушатығыҙ (һәр аяҡта өс тапҡыр ҡабатлағыҙ).

в) аяҡ суҡтарының өҫтөн йәһәт кенә ҡул йә икенсе аяҡ менән ышҡып алығыҙ.

1. Усығыҙ менән балтырҙарҙы бөтә яҡлап, аҫтан-өҫкә табан һуҡҡылап алығыҙ.

Һылауҙарҙан һуң тәнегеҙ рәхәт йылынһа, яҡшы була: 60 секунд эсендә һеҙ организмдың төп системаларын “уяттығыҙ”.

Кәримә УСМАНОВА