-4 °С
Болотло
Бөтә яңылыҡтар
Сәләмәт булайыҡ
2 Июнь 2022, 09:00
Ромашканы йыйып ҡалығыҙ!
Аҡ сәскә, ромашканы ниндәй ауырыуҙарҙан нисек файҙаланалар? Ябай ғына рецептар тәҡдим итәбеҙ.
Ромашканы йыйып ҡалығыҙ!
Урман-ҡырҙарҙа аҡ сәскәләр күпереп ултыра, уны ваҡытында йыйырға онотмағыҙ. Бигерәк тә ҡырҙа үҫкән ромашкаларҙың файҙаһы баҡсала үҫтерелгәндекенә ҡарағанда күпкә юғары.
Күп ҡатын-ҡыҙҙар ромашканы киптереп, аҙаҡ уның төнәтмәһен сәс йыуғандан һуң ҡуллана. Шулай уҡ тамаҡ шешкәндә аҡ сәскә төнәтмәһе менән сайҡатырға мөмкин, уны сәй итеп тә эсәләр. Дарыу булараҡ, ромашканы дезинфекциялау, тирләү өсөн файҙаланалар.
Ашҡаҙан-эсәк, бауыр һәм үт ҡыуығы юлдары ауырыуҙарын дауалау өсөн бер стакан ҡайнаған һыуға бер аш ҡалағы сәскә иҫәбенән төнәтмә әҙерләргә, һөҙгәс, көнөнә өс-дүрт тапҡыр бер-ике аш ҡалағынан алып 1/3 стаканға тиклем эсергә кәңәш ителә.
Күрем килмәй торһа, ромашка сәскәләренән, бөтнөк япраҡтарынан һәм валериан тамырынан әҙерләнгән төнәтмә эсергә мөмкин. Бер аш ҡалағы ошо йыйылманы бер стакан ҡайнап торған һыуҙа бешерәләр. Ҡайнар килеш көнөнә ике-өс тапҡыр яртышар стакан эсәләр.
Халыҡ медицинаһында ромашка төнәтмәһе йыш ҡына ауыртыуҙы баҫыусы, тынысландырыусы сара булараҡ ҡулланыла. Ауыҙ эсе боҙолғанда, ангина ваҡытында ауыҙҙы, тамаҡты сайҡатыу өсөн һәйбәт. Был осраҡта төнәтмә бер стакан һыуға 20 грамм ромашка сәскәһе һәм дүрт грамм бор кислотаһы ҡушып яһала.
Күҙ ҡабаҡтары ауыртҡанда уны аҡ сәскә төнәтмәһе менән иртән һәм кис йыуалар. Тимерәү, йәрәхәт, тәрән яра булһа, рентгендан һуң ромашка төнәтмәһенән ванна яһайҙар йә уны кәрәкле урынға бәйләйҙәр.
Бәрелгән, һуғылған осраҡта, ревматизм һәм подагра сәбәпле быуындар ауыртҡанда ромашкалы эҫе компресс ҡуйырға мөмкин. Бының өсөн ике-өс аш ҡалағы аҡ сәскәне бутҡа барлыҡҡа килгәнсе бешерәләр, уны ҡайнар килеш таҙа туҡымаға һалалар ҙа ауыртҡан урынға ҡаплайҙар.
Шулай ҙа ромашка төнәтмәһен файҙаланыр алдынан табип менән кәңәшләшергә онотмағыҙ. Һау-сәләмәт булығыҙ!
Фото: samors.ru
Ромашканы йыйып ҡалығыҙ!
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43