Бөтә яңылыҡтар
Сәйәсәт һәм хоҡуҡ
2 Апрель 2019, 18:14

Украина кем ҡулына ҡалыр?

Әлеге ваҡытта Украинала хәлдәр тыныстан түгел – президент вазифаһы өсөн көрәш дауам итә.

Әлеге ваҡытта Украинала хәлдәр тыныстан түгел – президент вазифаһы өсөн көрәш дауам итә. Уҙған ялда илдәге тауыш биреүгә хоҡуғы булған граждандарҙың 63,5 проценты һайлауҙа ҡатнашҡан. Иҫәпләнгән бюллетендәр һөҙөмтәһе буйынса шоумен Владимир Зеленский 30,24 процент тауыш йыйып, оппоненттарын уҙған. Һайлаусыларҙың бары 15,93 проценты самаһы ғына Петр Порошенкоға ышаныс белдергән, ә Юлия Тимошенкоға – 13,39 процент.
Украинаның эске эштәр министрының ярҙамсыһы Зорян Шкиряк белдереүенсә, һайлау мәлендә закон боҙоуҙар тураһында 2199 мәғлүмәт килгән, уларҙың 39-ы буйынса енәйәт эше ҡуҙғатылған.
Һайлауҙың икенсе туры 21 апрелдә уҙасаҡ. Унда Владимир Зеленский һәм Петр Порошенко ҡатнаша.