Владимир Путин Денис Мантуров менән осрашты

“Беҙ инвесторҙар менән даими осрашып һөйләшеп торабыҙ һәм һәр ваҡыт махсус инвестконтракт мәсьәләһе буйынса фекер алышабыҙ. Беҙҙә был тема үҫештә, уны ҡарап үтәйек”, – тине Владимир Путин.

Денис Мантуров һүҙҙәренсә, был йүнәлеш буйынса эш башлауға инде өс йыл, тимәк, ниндәйҙер һығымта яһарға мөмкин.

“Ошо ваҡыт эсендә дөйөм суммаһы 1 триллион һумлыҡ ҡырҡ махсус инвестиция контракты төҙөлдө. Был проекттарҙы тормошҡа ашырыу нигеҙендә сәнәғәттең төрлө тармаҡтарында 20 меңдән ашыу яңы эш урыны булдырыласаҡ. Тәү сиратта – автосәнәғәт, фармацевтика, энергетика, химия һ.б. өлкәләрҙә”, – тине министр.

Махсус инвестиция контракттарынан тыш, инвестициялар өсөн өҫтәмә дәртләндереү Сәнәғәтте үҫтереү фонды программаһын киңәйтеү иҫәбенә тәьмин ителә. Был программа Владимир Путиндың күрһәтмәһе буйынса дүрт йыл элек булдырылған. Ошо ваҡыт арауығында 500-ҙән ашыу проект хупланған.