Эсмәһәң, байрам тағы ла ҡыҙығыраҡ

Был сикләүҙе хоҡуҡи тормошҡа ашырыу өсөн республика парламенты “Башҡортостан Республикаһында Этил спиртын, алкоголле һәм спиртлы продукцияны етештереү һәм әйләнешкә индереү өлкәһендәге эшмәкәрлекте көйләү тураһында”ғы Законға үҙгәрештәр ҙә индергәйне.

Ҡанунға ярашлы, Белем көнөндә, Һуңғы ҡыңғырауҙа, һабантуй көндәрендә, Йәштәр көнөндә алкоголь һатыу тыйылған. Депутаттар раҫлауынса, ошо тыйыу байрам кәйефенә бер нисек тә йоғонто яһай алмаған.

Өфөлә, мәҫәлән, Ҡала көнө, “Евразия йөрәге” фестивале уҙғарғанда ла тантана урындарында спиртлы эсемлек һатылманы, ләкин байрамдар гөрләп үтте.