Ҡытайҙар шаяртмай!

АҠШ менән Ҡытай араһында сираттағы көсөргәнеш һиҙелә. Америка президенты Дональд Трамп 1 сентябрҙән Ҡытай тауарҙарына ун процентлы һалым һалмаҡсы итә. Был 300 миллиард долларлыҡ тауарға ҡағыласаҡ.

Әммә Ҡытай ҙа АҠШ-тың был аҙымына ҡарата мөнәсәбәтен белдермәй ҡалманы. Әгәр Вашингтон пошлина һалһа, ул мотлаҡ яуап сараларын файҙаланасаҡ. Ҡытай сауҙа һуғышын теләмәй, әммә АҠШ-ҡа ҡаршы сығырға ла ҡурҡмай.