Рәссамдар Шайморатовты нисек һынландыра?

Данлыҡлы генерал Миңлеғәле Шайморатовтың исемен мәңгеләштереүгә бағышланған флешмобҡа "Башҡортостандың яратҡан рәссамдары" проекты ла ҡушылды. Етәкселәре Наил Мәхмутов әйтеүенсә, һынлы сәнғәт оҫталары һуғыш, батырҙар темаһына йыш мөрәжәғәт итә. Ә проекттың үҙендә генә өс картина тап генералға арналған.

Беренсеһе 1950 йылда Алексей Храмов төшөргән "Генерал Шайморатов" картинаһы. Май менән киндергә эшләнгән һүрәттең ҙурлығы - 182х138.

Икенсе рәсемде Фәнил Шәймөхәмәтов 2015 йылда төшөргән. Картина "Генерал Шайморатовтың 112-се башҡорт атлы дивизияһы" тип атала. Төҫлө линогравюраның ҙурлығы - 66x86.

Өсөнсөһө - "М. Шайморатовтың дивизия штатында" тип атала. Уны Григорий Круглов 1989 йылда төшөргән.