Һеҙ кем – “йәшел”дәрме, “ҡыҙыл”дармы?

Тикшеренеүҙәр һөҙөмтәһе буйынса, район һәм ҡалалар өс зонаға – йәшел (лидер), һары (урта) һәм ҡыҙыл (арта ҡалыусы) зонаға бүленәсәк. Район хакимиәттәре эшмәкәрлеге – 64, ә ҡаланыҡылар 54 күрһәткес буйынса баһаланасаҡ. Мәҫәлән, тормош сифаты, муниципалитет тәьҫирлеге, үҫеш һәм башҡа күп төрлө күрһәткестәр.

Байрам алдынан республика Хөкүмәте кәңәшмәһендә тәүге квартал һөҙөмтәһе буйынса алдынғылар билдәләнде. Ауырғазы районы – “йәшел”дәр рәтендә. Төбәк халҡына сәләмәтлек һәм уңыштар насип булһын, ошо арала кисерергә яҙған тәбиғәт ҡырыҫлығы, көслө дауыл һөҙөмтәһендәге емереклектәрҙе аяҡҡа баҫтырыуҙа түҙемлек, эшлеклелек теләйбеҙ.

Фото: Ауырғазы районы хакимиәте сайтынан.