Аҡ халатлы фәрештә

– Бында килеүемә һис тә үкен­мә­йем, иң мөһиме – эшемде яратып башҡарам. Тыуған яғым, әсә­йем һәм туғандарым һағындыра, шулай ҙа Юлдыбай халҡы ла күңелемә яҡын. Көнөнә 15-20 кешене хеҙмәтләндерәм, күберәк оло йәштәгеләр мөрәжәғәт итә. Төнөн йә байрам көндәрендә са­ҡырыу булһа, мотлаҡ барабыҙ. Йы­лайыр район дауаханаһына дежур ҡабул итеү ҙә ойошто­рол­ған, унда ла йыш йөрөйбөҙ. Эштә бер ниндәй проблема юҡ, ҡайһы саҡ тел мәсьәләһенә бәйле ҡыйын­лыҡтарға осрарға тура килә. Баш­ҡортса һөйләшергә өйрәнә башланым (йылмая – авт.). Бар яҡлап миңә тәжрибәле шәфҡәт туташы Фәриҙә Айытҡолова ярҙам итә, ул уң ҡулым да, оҫта тәржемәсем дә, – ти йәш табип.

Регина Айрат ҡыҙы, йәш бу­лыу­ға ҡарамаҫтан, үҙ эшен яҡшы белә, сирлеләргә иғтибарлы һәм хәстәрлекле булыуы менән айырылып тора. Уның яғымлы йөҙө, йылы һүҙе лә сирлеләрҙе дауа­лар­ға ярҙам итә, сөнки кешегә бер йылы һүҙ, иғтибарҙың булыуы ҡайһы осраҡта ҡиммәтле дарыу­ҙан да шифалыраҡ. Йәш табипҡа артабан да уңыштар теләйек, һай­лаған изге һөнәренә тоғро ҡалып, оҙаҡ йылдар халыҡ сәләмәтлеге һағында хеҙмәт итергә яҙһын.