Беҙҙә кешеләр мәрхәмәтле

Нюта Федермессер осрашыу һөҙөмтәһе буйынса матбуғат саралары вәкилдәренә шуны еткерҙе: төбәк етәксеһе ҡарары менән Өфөлә хоспис төҙөләсәк, унда ололар һәм балалар бүлектәре буласаҡ. Учреждение эшен 1,5 йылдан һуң башларға тейеш. Был эште Радий Хәбиров шәхси күҙәтеүгә аласаҡ.

– Был – бик ваҡытлы, кешелекле ҡарар. Шуныһы айырыуса ҡыуаныслы: был осрашыу ваҡытында ғына хәл ителмәне, ә алдан уйланылған эш. Башҡортостандағы хоспис Рәсәйҙә нигеҙенән башлап төҙөлгән икенсе хоспис буласаҡ, тимәк, бында һәр үҙенсәлек уйланылған булыуын күҙалларға кәрәк. Шул уҡ ваҡытта был – илдә тупланған тәжрибәне ҡулланыу мөмкинлеге лә. Хоспис тәүге сиратта үлемесле сиргә дусар яҡындарын тәрбиәләгән кешеләр өсөн кәрәк, – тине Нюта Федермессер.

Баш ҡала ҡунағы Башҡортостанда мәрхәмәтлелек кимәленең ныҡ үҫешкән булыуын да билдәләне.

Фото: glavarb.ru