Кушнаренко балалары йөҙә башланы

Балаларҙы был һөнәргә өйрәтеү буйынса тәүге килешеү Кушнаренко районында төҙөлдө. “Башҡортостандың спорт йөҙөүе үҙәге” йәмғиәте тренерҙары һәм инструкторҙары III-IV класс уҡыусыларына һабаҡ бирәсәк. Күнекмәләр Кушнаренко ауылындағы физкультура-һауыҡтырыу үҙәге бассейнында үтәсәк.

Билдәле булыуынса, йөҙөү буйынса дөйөм мәжбүри уҡытыу тәҡдимен Бөтә Рәсәй йөҙөү федерацияһы президенты Владимир Сальников республика етәксеһе Радий Хәбиров менән осрашыуҙа еткергәйне.