“Бассейн” ҡороған

Яҙ етте. Ҡар һыуҙары былай ҙа күп мәлдә баш ҡаланың Блюхер урамындағы 3/1 йорт янында ысын мәғәнәһендә “бассейн” хасил булған. Был турала социаль селтәрҙәрҙә Илшат Ғафаров хәбәр ҡалдыра: “Блюхера, 3/1, батабыҙ! Яуым-төшөм канализацияһы тығылған, барығыҙҙы ла беҙҙең яҙғы “бассейнға” саҡырабыҙ!”

Был мәсьәләне шунда уҡ баш ҡаланың Орджоникидзе районы хакимиәте иғтибарға алды.

“28-се ЖЭУ-ны хеҙмәтләндереүсе ойошма вәкилдәре канализацияны таҙартты. Әгәр бындай хәл ҡабатлана икән, проблеманы тиҙ арала хәл итеү өсөн 286-00-90 телефонына шылтыратығыҙ”.

Илшат Ғафаров белдереүенсә, мөрәжәғәттән һуң проблема икенсе көнгә үк хәл ителә. Әле барыһы ла тәртиптә.