Анапа ҡунағы Октябрьскиҙы таҙартҡан

“Республиканы бергәләп таҙартайыҡ!” Бөтә республика акцияһына барлыҡ район-ҡалалар ҡушылды. Октябрьский ҡалаһы өмәселәре республиканың экологик акцияһы логотибы төшөрөлгән кейемдәрҙә сыҡҡан. Сараға байрамдың бәҫен арттырыу маҡсатында туғыҙ ерҙә концерт, йәмәғәт туҡланыуы ойошторолған. Бөтә ҡала буйлап музыка яңғырап тороуы һәм халыҡтың бер-береһен: “Байрам менән!” – тип сәләмләүе иһә ихласлыҡты, эскерһеҙлекте сағылдырҙы.

Был мөхит ситтән килгәндәрҙе лә битараф ҡалдырмаған. Хатта Анапа ҡалаһынан килгән ҡунаҡ та был көндө ятаҡханала түҙеп ултыра алмайынса, тышҡа сығып, һепертке һорап алып, таҙалыҡ байрамында ҡатнашҡан.