Бөтә яңылыҡтар
Йәмғиәт
21 Май 2019, 16:15

Һанлы технологияларһыҙ алыҫ китеп булмай

Өфөлә "Газ. Нефть. Технология" тигән 27-се халыҡ-ара күргәҙмә асылды. Форум Рәсәйҙең 37 төбәгенән һәм 10 сит илдән 350-нән ашыу компанияны, тармаҡтың алдынғы белгестәрен, фән, сәнәғәт, бизнес эшмәкәрҙәрен үҙенә берләштергән.

Өфөлә "Газ. Нефть. Технология" тигән 27-се халыҡ-ара күргәҙмә асылды. Форум Рәсәйҙең 37 төбәгенән һәм 10 сит илдән 350-нән ашыу компанияны, тармаҡтың алдынғы белгестәрен, фән, сәнәғәт, бизнес эшмәкәрҙәрен үҙенә берләштергән.


Сараны республика Башлығы вазифаһын ваҡытлыса башҡарыусы Радий Хәбиров асып, ҡатнашыусыларҙы тәбрикләне, форумдың әһәмиәтен билдәләне.


– Иҡтисадта нефть һәм газ тармағы ла үҫешә. Форумда ҡатнашыусыларға ҡыҙыҡлы һәм фәһемле булһын өсөн, беҙ фекер алышыу, уйланыу өсөн ҡыҙыҡлы темалар уйларға тырыштыҡ. Шуға ла ошо тармаҡта һанлы трансформацияға күсеү буйынса күргәҙмә ойоштороуҙы һәм кәңәшләшеүҙе маҡсатҡа ярашлы булыр тип таптыҡ, – тине ул.


Фото: glavarb.ru