Белореттар – “Терра Башҡортостан”да

Унда Белорет, Архангел, Асҡын һәм Мишкәнең һәүәҫкәр жокейҙары ярышты.

Турнирҙың беренсе сабышында район чемпионы билдәләнде. Һигеҙ һыбайлы араһынан Белореттың Сосновка ауылынан Альфред Мөхәмәтйәров менән Ҡоҙғон-Әхмәрҙән Эдуард Зәбиров иң яҡшылар тип танылып, ярымфиналда ҡатнашыу хоҡуғын алды.

Ҡағиҙә буйынса, икенсе этапта һәр райондан беренсе һәм икенсе урындар яулаған жокейҙар “Аҡбуҙат” ипподромы юртаҡтарында сабышты. Улар атта йөрөү оҫталығын ғына күрһәтеп ҡалманы, ә таныш булмаған юртаҡты “теҙгенләй” белеүен дә күрһәтте.

Сағыу, көсөргәнешле бәйгелә ике заезд һөҙөмтәләре буйынса Белореттан Альфред Мөхәмәтйәров икенсе урынды яуланы, ә Эдуард Зәбиров дүртенсе булды.