Асҡарҙы һаман эҙләйҙәр...

Әлеге мәлдә “Лиза Алерт” эҙләү-ҡотҡарыу төркөмө ирекмәндәре эште дауам итеү өсөн яңынан кешеләр йыя. Уларҙың “Бәйләнештә” социаль селтәрендәге рәсми төркөмөнән күренеүенсә, йәнә кешеләр, эхолот һәм эҙләргә теләгендәрҙе Шишмә районына алып барыу өсөн автомобилдәр талап ителә.

Быға тиклем киткән төркөмдәр әлегә һөҙөмтәһеҙ ҡайтҡан. Улар ауыл тирәһенән эҙләгән, шаһиттар менән һөйләшкән. Водолаздар ауыл янындағы һыу ятҡылыҡтарын тикшергән. Әлегә һөҙөмтәләр юҡ.

Малайҙың билдәләре: буйы 115 сантиметр, ябыҡ, сәсе ҡара, бөҙрә, күҙҙәре көрән. Ул юғалған көндө аҡ футболка, ҡара шорты кейгән. Малайҙың ҡара резинка тапочкаларын тапҡандар.