Бөтә яңылыҡтар
Йәмғиәт
5 Июль 2019, 20:22

ЙОНДОҘНАМӘ (8 – 14 июль)

Киләһе аҙна ла тик яҡшылыҡтар ғына алып килһен!

Фото: ok.ru

ҠУҘЫ


Аҙна буйына энергияғыҙ ташып торасаҡ. Хатта ҡулы­ғыҙҙан килмәгәнде лә эшләргә тырышырһығыҙ. Әйткәндәй, барыһы ла килеп сығырға тейеш, шуға күрә туҡтап ҡалмағыҙ. Тик һаулығығыҙ тураһында ла онотмағыҙ.

БУҒА


Һеҙ иғтибар үҙәгендә була­саҡһығыҙ. Бының менән дөрөҫ файҙаланығыҙ. Үҙегеҙ өсөн кәрәкле мәсьәләләрҙе лә хәл итеп ҡалырға мөмкин был осорҙа. Яҡындарығыҙ менән низағлашмағыҙ, аҙаҡ араларҙы көйләүе ҡыйынға төшөр.

ИГЕҘӘКТӘР


Шәхси тормошоғоҙ был аҙ­нала бик сағыу булмаҡсы. Ғаилә ҡорор, яңы танышлыҡтар булдырыу өсөн уғата уңайлы мәл. Ә бына эшегеҙ бер ни тиклем аҡһар. Проб­лемалар кәрәкмәһә, ике өлкәне лә тигеҙ алып барырға тырышығыҙ.

ҠЫҪАЛА


Карьерала күтәрелергә теләһәгеҙ, әлегә кисектереп тороғоҙ. Бының өсөн был аҙна уңайлы түгел. Оҙайлы ваҡытлы килешеүҙәр төҙөгәндә лә ашыҡмағыҙ, бик уйлап эш итегеҙ. Үҙ фекерегеҙҙе ныҡлы яҡларға әҙер булығыҙ, хатта етәкселек менән аралашҡанда ла.

АРЫҪЛАН


Әүҙем эшмәкәрлеккә күсер өсөн бик уңайлы аҙна. Тырышлығығыҙҙы һиҙәсәктәр. Ә бына яҡындарығыҙ менән мөнәсәбәттәрҙең киҫкенләшеүе ихтимал. Иҫерткес эсем­лектәрҙән, сит-ят ризыҡ­тарҙан баш тартыуығыҙ хәйерле.

ҠЫҘ


Күп көс талап иткән эштәрҙе башларға кәңәш ителмәй. Уларҙы уңайлыраҡ ваҡытҡа кисектереп тороғоҙ. Быға тиклемге эшмәкәрлегегеҙ ыңғай баһаланыр, матди яҡтан да керем көтөлә.

ҮЛСӘҮ


Бик һөҙөмтәле аҙна көтөлә. Эштәрегеҙ гөрләп торасаҡ. Тик башҡалар ярҙам һорап мө­рәжәғәт итһә, баш тартыуығыҙ хәйерле, быға ваҡытығыҙ ҡалмаҫ. Балаларығыҙға иғтибар талап ителә, уларҙы күҙ уңынан ысҡындырмағыҙ.

САЯН


Йәй һеҙҙең өсөн бик уңышлы түгел. Бушҡа көсөгөҙҙө әрәм иткәнсе, ял итеү, ваҡытығыҙҙы ғаиләгә арнау хәйерлерәк. Үҙ көсөгөҙгә ышанысығыҙ кәмегән төҫлө, кәйефегеҙҙе төшөрмәгеҙ. Яңы таныш­лыҡтар булдырыу өсөн уңайлы мәл.

УҠСЫ


Һөйгән йәрҙәрегеҙ менән мөнәсәбәтте асыҡлар мәл етте. Быны артабан да аҙаҡҡа ҡалдырыу дөрөҫ булмаҫ. Эштә уңыш, матди килем көтөлә. Етәкселек тә хеҙмәтегеҙҙе күреп, лайыҡлы баһалар.

ЫЛАҠ


Үҙ өҫтөгөҙгә бигерәк күп бурыстар алаһығыҙ түгелме? Уларҙың яртыһынан баш тартығыҙ. Барыбер барыһын да хәл итеп бөтә алмаҫһығыҙ. Аҡсағыҙҙы туҙҙырмаҫҡа кәңәш ителә. Сит кешеләрҙең ярҙам вәғәҙә итеүенә ышанмағыҙ.

ҺЫУҒОЯР


Аҡса менән һаҡ булығыҙ. Дөрөҫ булмаған аҙым арҡа­һында, уларҙан ҡолаҡ ҡағы­уығыҙ ихтимал. Ғаилә ағзалары менән дә һүҙгә килешмәгеҙ. Йондоҙҙар һеҙгә был аҙнала һәр аҙымығыҙҙы уйлап ҡына эшләргә кәңәш итә.

БАЛЫҠ


Мөһим ҡарарҙар ҡабул итергә ашыҡмағыҙ. Яңылышыу ихтималлығы бик ҙур. Коллегалар менән дә һағыраҡ булығыҙ, ваҡ-төйәк арҡаһында һүҙгә килешеүегеҙ бар. Ғаиләлә барыһы ла яҡшы, бала­ларығыҙ уңыштары менән ҡыуандырыр.