Смартфонығыҙҙы мендәр аҫтына һалмағыҙ!

Сәбәбе: смартфондың артыҡ йылыныуы, заводта уҡ брак итеп эшләнеүе, артыҡ иҫкереүе. “Роскачество” агентлығының Һанлы экспертиза үҙәгендә белдереүҙәренсә, насар сифатлы батарея ҡуйылған девайс һатып алыуҙан берәү ҙә ҡурсалана алмай, ә бына шартлауын һәм янып китеүен булдырмаҫҡа мөмкин.

Бөтә девайстарҙың да энергия тупланмаһы оҡшаш: литий-ион аккумуляторы. Температура ҡырҡа үҙгәргәндә аккумуляторҙың газ бүлеп сығара башлауы, артабан “ҡабарыуы” ихтимал. Ә ҡайҙалыр бәрелгәндә уның шартлау хәүефе лә бар. Бының өсөн смартфонығыҙҙы ҡояш аҫтында тоторға, мендәр аҫтына һалырға ярамай, был уны йылытасаҡ.

Унан тыш, зарядкалау ҡулайламаһы йәки блогы ла фирма тамғаһы менән булырға тейеш.