Бөтә яңылыҡтар
Йәмғиәт
17 Июль 2019, 00:00

Көтмәгәндә ҡатын алға ташлана...

Кисә кискеһен Өфөнөң Затон биҫтәһенә илткән күпер ситендә бер ҡатын ултырғанын күрәләр.

Фото: Өфөнөң Граждандарҙы яҡлау идаралығының матбуғат хеҙмәте.
Кисә кискеһен Өфөнөң Затон биҫтәһенә илткән күпер ситендә бер ҡатын ултырғанын күреүселәр ҡотҡарыу хеҙмәтенә шылтырата.
Әйтелгән урынға тиҙ арала ҡотҡарыусылар, медиктар, полиция хеҙмәткәрҙәре һәм психолог килә.
Тәүҙә 50 йәшлек ханым аралашыуҙан баш тарта. Шулай ҙа белгестәр бәйләнеш булдырыуға өлгәшә.
Көтмәгәндә ҡатын алға ташлана, әммә, бәхеткә күрә, барыһы ла уңышлы тамамлана: әҙер торған ҡотҡарыусылар уны тотоп өлгөрә һәм тимер ҡойма аша сығара. Ғүмер менән иҫәп-хисапты өҙөргә маташҡан ҡатын табиптар ҡарамағына тапшырыла.
Ҡотҡарыу операцияһы 40 минут самаһы дауам итә.