Килә лә яуа...

Бөгөн кистән тотош республикала ҡыҫҡа ваҡытлы ямғыр булыуы фаразлана. Көнсығыш төбәктә иһә – йәшен.

“Ел секундына 3-8 метр тиҙлектә иҫер. Йәшен мәлендә көсәйеп, был күрһәткестең 17-гә етеүе ихтимал. Юлдарҙың айырым участкаларында төндә һәм иртәнсәк томан булыр”, – тиелә Ғәҙәттән тыш хәлдәр министрлығының матбуғат хеҙмәте хәбәрендә.

Өфөлә яуым-төшөм көтөлмәй, ел секундына һигеҙ метр тиҙлектә иҫә. Һауа температураһы көндөҙ – 27, төндә 17 градусҡа ҡәҙәр йылы.