-6 °С
Болотло
Бөтә яңылыҡтар
Йәмғиәт
26 Июль 2019, 15:30
Иң мөһиме – кеше менән уртаҡ тел табыу
Ҡасандыр тотош донъяла иң ҙур дәүләт һаналған СССР тарҡалғас, илебеҙ тормошона ҙур үҙгәрештәр индерелде. Ул осорҙа төрлө предприятие-ойошмалар ғына түгел, хатта төбәктәр тарҡалғайны. Күп кенә ғаиләләр төрлө дәүләттәрҙә тороп ҡалды. Шулай итеп, илдә тәртипһеҙлек башланды. Был хәлде туҡтатыр өсөн тиҙ арала сара күрергә кәрәк ине, шуға күрә 1992 йылда ил Президенты миграция хеҙмәтен барлыҡҡа килтереү тураһындағы Указға ҡул ҡуйҙы.
Ҡасандыр тотош донъяла иң ҙур дәүләт һаналған СССР тарҡалғас, илебеҙ тормошона ҙур үҙгәрештәр индерелде. Ул осорҙа төрлө предприятие-ойошмалар ғына түгел, хатта төбәктәр тарҡалғайны. Күп кенә ғаиләләр төрлө дәүләттәрҙә тороп ҡалды. Шулай итеп, илдә тәртипһеҙлек башланды. Был хәлде туҡтатыр өсөн тиҙ арала сара күрергә кәрәк ине, шуға күрә 1992 йылда ил Президенты миграция хеҙмәтен барлыҡҡа килтереү тураһындағы Указға ҡул ҡуйҙы.
Бынан һуң был ойошма әллә күпме үҙгәреш кисерҙе. 2006 йылдың 1 ғинуарында ғына территориаль органдарҙы билдәләү тамамланды. Хеҙмәт баҙарын һаҡлау, сит илдәрҙән килгәндәрҙең эшен ойоштороу төп бурыстарҙың береһенә әүерелде. Был маҡсат бик еңелдән түгел ине, әммә тармаҡ хеҙмәткәрҙәре дүрт йыл эсендә тәртип ойоштороуға өлгәште.
Хәҙер Миграция мәсьәләләре буйынса идаралыҡ Рәсәй Эске эштәр министрлығы ҡарамағына инә. Ә был ведомство атҡарған бурыстар шулай уҡ элекке кеүек мөһим һәм халыҡ өсөн бик кәрәк.
Тормошобоҙҙоң ниндәй генә өлкәһен алмайыҡ, үҙ эшен яратҡандар ғына уңышҡа өлгәшә алалыр ул. Полиция майоры Гөлфинә Йәғәфәрова – тап ана шундайҙарҙан. Ул 2004 йылдан миграция өлкәһендә кеше хоҡуҡтарын яҡлай. “Беҙҙең эштә иң мөһиме – төрлө йәштәге төрлө милләт кешеләре менән аралаша белеү”, – ти ул.
Гөлфинә Ҡыуат ҡыҙы – 2004 йылдың ғинуарынан миграция хеҙмәтендә. Үҙе әйтмешләй, эш юлын “түбән”дән башлаған. Ҡасандыр ябай хеҙмәткәр булған, ә хәҙер Рәсәй Эске эштәр министрлығының Әбйәлил районы буйынса бүлегенең миграция мәсьәләләре бүлексәһе етәксеһе. Әйткәндәй, был райондың Силәбе өлкәһе менән сиктәш булыуы һөҙөмтәһендә төрлө проблемалар килеп сыға, әммә уларҙы бүлексәлә уңышлы хәл итәләр.
Тормош шулай ҡоролған: эргә-тирәбеҙҙәге ваҡиғалар һәм кешеләр һәммәбеҙгә йоғонто яһамай ҡалмай. Гөлфинә Ҡыуат ҡыҙының да байтаҡ ҡына туғандары ошо тармаҡта эшләгән. Шуға Әбйәлил районының Әлмөхәмәт ауылында тыуып үҫкән ҡыҙҙың хоҡуҡ һаҡлау органдарында хеҙмәт итеүенә бер ҙә ғәжәпләнерлек түгел.
Гөлфинә Йәғәфәрова, үҙе әйтмешләй, яратҡан, белгән һәм шуға ихлас атҡарған эшенән генә түгел, ғаиләһенән дә уңған. Ул – бәхетле әсәй һәм ҡатын. Ире Самат, ҡыҙҙары Камилла, Сафия һәм Айсилә – уның ныҡлы терәге, йәшәү мәғәнәһе. Уларҙың һәр көн түҙемһеҙләнеп ғәзиз кешеһен эштән көтөп алыуы – дәртләнеп йәшәргә, эшләүгә көс бит ул!
Әбйәлил районы.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43