Тереләй йылғаға ырғыталар...

Ҡурған өлкәһенең Варгашин районында 17 йәшлек егетте үлтереүҙә ғәйепләнеүсе өс кеше ҡулға алынған, уларға ҡарата енәйәт эше ҡуҙғатылған.

Тәфтишселәр асыҡлауынса, 2018 йылдың август аҙағында ғәйепләнеүселәр иҫерткес эсемлектәр эсеп алғандан һуң, төнөн бер йортҡа инеп, үҫмерҙе балта менән туҡмап, уны сапҡыслайҙар. Һөҙөмтәлә егет ауыр тән йәрәхәттәре ала. Әммә йәрәхәттәр үлемесле булмай. Тик теге өс ҡәбәхәт тын алған, йәшәү өсөн көрәшкән үҫмерҙе автомобилгә һалып, күпеҙән йылғаға тереләй ырғыта.

17 йәшлек егетте ата-әсәһе, туғандары эҙләп тә таба алмағас, улар был турала полицияға мөрәжәғәт итә. Егеттең үле кәүҙәһен бер нисә көндән һуң ғына табалар.