Бөтә яңылыҡтар
Йәмғиәт
4 Август 2019, 13:06

Енәйәтсе 13 йыл буйы урманда ҡасып йөрөй

Йыртҡыс ҡиәфәтенә ингән был әҙәм тағы бер ҡатынға һөжүм итә.

Яңыраҡ Байкал аръяғы крайында үҙенә таныш ҡатынды үлтереп, 13 йыл буйы урманда йәшенеп йөрөгән ирҙе ҡулға алғандар. Был турала өлкә прокуратураһы хәбәр итә.

Тикшереү күрһәтеүенсә, 2006 йылдың 22 июнендә Могоча ҡалаһында 46 йәшлек иҫерек ир үҙенең танышына бысаҡ менән ташлана. Ҡатын үлемесле йәрәхәттәр алa.

Йыртҡыс ҡиәфәтенә ингән был әҙәм тағы бер ҡатынға һөжүм итә. Бәхеткә күрә, уныһы ҡасып ҡотола.

Ошо ваҡиғанан һуң ир урманға ҡаса, үҙенә ҡыш йәшәрлек торлаҡ ҡороп ала.
Шулай ул 13 йыл буйы бер әҙәм менән дә аралашмай, тәртип һаҡсыларының да күҙенә эләкмәй йәшәй бирә. Әммә, беҙ ҡапсыҡта ятмай тигәндәй, ошо көндәрҙә енәйәтсе, ниһайәт, ҡулға алына.

Район прокуроры кеше үлтергән әҙәм аҡтығын һаҡ аҫтына алыуҙы талап итә һәм был ауыр енәйәтте тикшереүҙе махсус контролгә ала.

Фото: zen.yandex.ru