Аҡса эшләүҙең яңы төрөн тапҡандар...

Полиция хеҙмәткәрҙәре ҡала буйлап рейд барышында сигнал жилеттар кейгән ике ирҙең юл буйындағы металл ҡоймаларҙы бысып, машина багажнигына тейәп торғандарын күреп ҡала. Еңел аҡса эшләүселәр полиция хеҙмәткәренең уларҙы күҙәтеп тороуын һиҙеп, тиҙ генә машинаға ултырып ваҡиға урынынан һыпырта. Әммә ҡуҙғалып киткәндән һуң уғрыларҙың береһе машинанан ырғып төшөп ҡала һәм полициянан йәшеренергә уйлай. Тик уны хоҡуҡ һаҡлау органдары хеҙмәткәрҙәре тотоп ала. Бер нисә сәғәттән һуң руль артындағыһын да ҡулға алалар, ул ошо ваҡыт эсендә урланған металды урманға йәшереп өлгөрә.

Аҙаҡ асыҡланыуынса, бурҙар урлаған металды металл ҡабул итеү пунктына тапшырып, аҡса эшләргә уйлағандар. Ә башҡаса аҡса табыу юлын уйлап ҡараманылармы икән, ҡыҙыҡ.

Фото: dpchas.com.ua