Бындай конкурстар һөҙөмтәлерәк

Өфөләге "Торатау" конгресс-холында "Башҡортостан лидерҙары" конкурсының ярымфиналы дауам итә. Был проект тураһында Башҡортостан Башлығы Хакимиәте Етәксеһе Александр Сидякин бына нимә ти:

- Ошондай конкурстар кадрҙар һайлап алғанда предприятиелағы ғәҙәти булған 15 минутлыҡ әңгәмәгә ҡарағанда күпкә һөҙөмтәлерәк. Кабинетта ҡабул итеп кенә кешенең һәләтен тейешенсә асыҡлау мөмкин түгел. Ә бөгөн "Торатау"ҙа барған конкурс лидерлыҡ һәләттәрен асырға ярҙам итә һәм бер генә кадрҙар идаралығы ла уны алмаштыра алмай.