Һыуытаһы урынға... ут сығарған

Салауат ҡалаһындағы туғыҙ ҡатлы йорттоң етенсе ҡатында төтөн сығыуын күреп ҡалалар. Ҡотҡарыусылар һәм янғын һүндереүселәр оҙаҡ көттөрмәй, йәһәт килеп етә.

Башҡортостан буйынса Ғәҙәттән тыш хәлдәр министрлығының матбуғат хеҙмәтенән белдереүҙәренсә, беренсе подразделение килеүгә фатирҙан ҡуйы төтөн сыҡҡан була. Махсус баҫҡыстан күтәрелеп, бер бүлмәле фатирға инһәләр, кухняла һыуытҡыстың яныуын күрәләр. Газ-төтөндән һаҡлау хеҙмәте ҡаттағы биш кешене эвакуациялай. Янғындан зыян күреүселәр, һәләк булыусылар юҡ. Һыуытҡыстың ни сәбәптән янып китеүен асыҡлайҙар.