“Туңдырма ашаһам да, ирем әрләй...”

Был хәлде Зөлфиә исемле ҡатын һөйләгәйне. Ысынлап та, мәсьәлә ябай түгел. Ни тиһәң дә, йәш ғаиләнең тарҡалыуы ихтимал. Кем ниндәй кәңәш бирер?

“Ирем мине яратмай шикелле… Туҡ­тауһыҙ тикшерә, ни ашаһам да, дө­рөҫ туҡ­ланмайһың, тип бәйләнә. Йәйге эҫе­лә туңдырма ашау ҙа михнәткә әйләнде. “Ашама, унда бит май күп”, – тип тыя. Дөрөҫ, буйым бик бейек булмаһа ла, ауырлығым 70 килонан артыҡ шул, әммә йыуан тип иҫәпләнмәйемдер, тим.

Үҙем бешеренергә яратам, йыш ҡына бә­леш әҙерләйем, ҡоймаҡ ҡоям. Бе­шер­­гәс ни, ашағы ла килә. Уның үҙенә рә­хәт: ҡаҡса, ашағаны бер ҙә генә йоҡмай…

Һигеҙ йыл бергә йәшәйбеҙ. Тәү­ҙәрәк бәйләнсеклеген нисек тә ҡабул итә инем. Үҙемде үҙгәртергә тырышып ҡа­раған саҡтарым булманы түгел, булды. Тик төрлө диета минеке түгел икә­нен аңланым, кәйефемә, һаулығыма ла зыян килә башлағас, ташланым ул ғә­мәл­де. Ирем генә дүнмәй, үҙенекен һөйләүен дауам итә. Туҡтауһыҙ тикше­реп тороуынан ялҡып, был мине яратмай, ахыры, тип уйлана башланым. Үҙем­де йәмһеҙ бер ҡатын тип тоям хәҙер…

Ысынлап яратһаң, яныңдағы ғәзиз ке­шеңдең камил булмаған яҡтары күренергә лә тейеш түгелдер, ми­неңсә. Иң мөһиме – яҡыныңдың хис­тәре, күңеле таҙа, ихлас булһындыр, тим… Ошоно иремә нисек аң­латырға? Артабан былай дауам итһә, ғаиләнең тарҡалыуы ла бар бит”.

-  М. БАТЫРОВА