Йылайыр районы Ҡананикольск ауылында йәшәгән бер ғаиләнең ихатаһына айыу балаһы үҙе килгән. Хәлһеҙ булыуына ҡарамаҫтан, ул кешеләрҙе үҙенә яҡын ебәрмәгән. Йыртҡыс йыртҡыс инде, үҙен тотҡас та ырылдап, ҡасырға маташҡан. Көтөлмәгән һәм саҡырылмаған "ҡунаҡ"ты хәҙер хужалар ни эшләтергә лә белмәй. Күрәһең, айыу балаһының инәһе браконьерҙар тарафынан һәләк булһа, балаһы яңғыҙ ҡалғандыр, ти ауылдағылар.