Ысын ҡыш тантана итә!

Ҡышҡы селлә үҙ хакимлығына инә, күрәһең. Республикала киләһе аҙнанан көндәр һыуыта.

Синоптиктар хәбәр итеүенсә, 24 ғинуарҙа яуым-төшөм көтөлмәй. Ел талғын, үҙгәреүсән. Һауа температураһы төндә  минус 13 – 18 градус, урыны менән 23 – 28 градусҡа етә.  Көндөҙ – минус 10-15 градус.

25 ғинуарҙа ла яуым-төшөмһөҙ. Ел көньяҡтан, талғын, үҙгәреүсән.   Һауа температураһы төндә минус 15 – 20 градус, урыны менән 25 – 30 градусҡа етә. Көндөҙ – минус 11-16 градус.

Бөгөн синоптиктар көндөң аяҙлы-болотло булыуын фаразлай. Юлдың ҡайһы бер урындарында ҡар һырынтылары, боҙлауыҡ. Ел көньяҡ-көнсығыштан, секундына ике-ете метр тиҙлектә иҫә.  Һауа температураһы көндөҙ – минус   8-13 градус, урыны менән 17 градусҡа тиклем һыуыта.

Оҙон юлға сығыусыларға бигерәк тә һаҡ булырға кәрәк. Үҙегеҙ менән йылы кейемдәр алырға онотмағыҙ! Ә инде ысын ҡыштың тантана итеүе бигерәк тә яҡшы. Һәр миҙгелдең үҙ матурлығы!

Фото: loveopium.ru