Болан килгән ауылға!

Ейәнсура районында йәшәгән Земфира Аҡбутина үҙенең сәхифәһенә бик матур видеояҙма урынлаштырған. Баҡтиһәң, Баймаҡ районының Ишей ауылында йәшәгән класташы Әлфирәнең кәртә артындағы кәбәненә болан ҡунаҡҡа килгән. Ире Әнүәр "саҡырылмаған" ҡунаҡты ҡыуып ҡараһа ла, ҙур мөгөҙө менән уға ла һелтәнергә тартынмай. 

Ул бер тапҡыр ғына килмәгән, кәбәнгә эйәләшеп тә киткән. Кәбән хужаһынан да ҡурҡмай башлауын әйт әле.

Фото: видеонан скриншот.

Видео Земфира Аҡбутинаның "Бәйләнештә"ге сәхифәһенән алынды.