Башҡортостанда һауа шарттарының боҙолоуы сәбәпле дауыл хәүефе иғлан ителде. Рәсәй Ғәҙәттән тыш хәлдәр министрлығының Башҡортостан буйынса Баш идаралығы мәғлүмәте буйынса, 29 апрелдә киске сәғәт 8-ҙән 30 апрелдә киске 8-гә тиклем аяҙлы-болотло һауа торошо фаразлана. Урыны менән республика буйлап ҡыҫҡа ваҡытлы ямғыр яуыуы, төндә көньяҡ-көнсығышта көслө ямғыр яуыуы ихтимал. Ел төньяҡтан, төньяҡ-көнбайыштан секундына 5-10 метр тиҙлектә иҫәсәк, урыны менән секундына 15 метрға етәсәк, дауыл сығыуы бар.
Һауа температураһы төндә 1, 6 градус йылы, төньяҡ һәм таулы райондарҙа һауала һәм тупраҡ өҫтөндә ҡырау төшөүе ихтимал, 0,-2 градусҡа тиклем һыуыта. Көндөҙ 10, 15 градусҡа тиклем йылытасаҡ.
Иртән һәм төндә автомобиль юлдарында урыны менән томан төшөүе көтөлә, күреү мөмкинлеге - 500-1000 метр.
Фото: Әлиә Хужәхмәтова.