Әбйәлил ҡатындары айыуҙан ҡурҡмай

Әбйәлилдән Идиә Ғәлимова менән уның әхирәт-иптәштәре йәйге урманға барып, ҡарағай тубырсығы йыйып алған. Тәбиғәттең хозурлығына, байлығына ҡыуанып видеояҙмалар ҙа төшөргәндәр.

Һәр береһе берешәр биҙрә тубырсыҡ йыйған, унан файҙалы төнәтмә эшләйәсәктәр. Ә инде уларҙы айырыуса еләк сәскәһенең күп булыуы ҡыуандырған, ер өҫтө ап-аҡ икән, тимәк, быйыл был емеш мул буласаҡ.

Әле Башҡортостанда айыуҙарҙың күбәйеүен иҫәпкә алғанда, беҙҙең ауыл янында ғына кешеләр өс тапҡыр тайыштабанға осраған, ҡатын-ҡыҙҙарҙың ҡурҡмай тәбиғәт ҡосағында йөрөүе һоҡландырҙы. Уның ҡарауы, тубырсыҡтан хуш еҫле ҡайнатма әҙерләйәсәктәр һәм ҡыш көнө шифалы дарыу менән дауаланасаҡтар.

Был дауаланыу ысулы тураһында күп яҙҙыҡ, рецебын күптән беләһегеҙҙер.

Фото: Идиә Ғәлимова.