Һауа торошо йәнә боҙола

Башҡортостан Республикаһының Ғәҙәттән тыш хәлдәр буйынса дәүләт комитеты метеошарттарҙың үҙгәреүе тураһында иҫкәртте. Ведомствола 24 ноябргә һауа торошо хаҡында хәбәр иттеләр.

Бөгөн аяҙлы-болотло, яуым-төшөмһөҙ булыуы көтөлә. Ел көньяҡ-көнсығыштан секундына туғыҙ метрҙан 14 метрға тиклем тиҙлек менән иҫә. Һауа температураһы төндә 0, -5, төбәктең көньяҡ-көнсығышында – -10 градус. Көндөҙ 0, 5 градусҡаса йылыта. Юлдарҙың ҡайһы бер участкаларында төнгө һәм иртәнге сәғәттәрҙә томан төшәсәк, күреү мөмкинлеге 500 - 1000 метрға тиклем кәмейәсәк.

Өфөлә аяҙлы-болотло, яуым-төшөмһөҙ һауа торошо фаразлана. Елдең көньяҡ-көнсығыштан секундына 9-14 метр тиҙлектә иҫеүе көтөлә. Һауа температураһы төндә 0 градус тирәһе була. Көндөҙ термометр бағанаһы 3, 5 градусҡа тиклем күтәреләсәк.

Фото: Әлиә Хужәхмәтова.