Һауа торошо кәйефте төшөрә...

Был ял көндәрендә Башҡортостанда йәшәүселәрҙе ысын мәғәнәһендә йәйге һауа торошо ҡыуандырҙы. Кисә, 24 августа,хатта +30 градусҡаса эҫе булды. Әммә республикала йылы оҙаҡҡа ҡалырмы? Синоптиктар фаразлай.

Башгидромет метеорологтары хәбәр итеүенсә, бөгөн, 25 августа, Башҡортостан биләмәһендә йылы тора, көндөҙ +25,+30 градус буласаҡ. Әммә һуңынан ямғырҙар һәм йәшен ҡайтасаҡ. Һауа температураһы түбәнәйә башлай.

“Фобос” үҙәге синоптиктары фаразлауынса, шишәмбе, 26 августан, яуым-төшөм көтөлә – йәшенле ямғырҙар, термометр бағанаһы +22,+24 градусҡа тиклем төшәсәк. Ямғырлы һауа торошо август аҙағына тиклем һаҡланасаҡ, өҫтәүенә киләһе ял көндәренә – 30 һәм 31 авгусҡа һауа температураһы +17,+19 градусҡа тиклем төшәсәк.

Фото: Әлиә Хужәхмәтова.