Ҡасан ямғырҙар туҡтап, йәйге эҫе кире ҡайтыр?

Башҡортостанда һыуытты һәм ямғырҙар башланды. Ҡасан төбәккә йылы ҡайта?

Башгидромет синоптиктары мәғлүмәттәре буйынса, алдағы өс көндә ҡоро, эҫе һауа торошо булмаясаҡ. Һауа температураһы көндөҙ +20 градустан юғары күтәрелмәйәсәк. Шул уҡ ваҡытта ямғыр яуасаҡ.

Гисметео порталы оҙайлыраҡ фараз бирә. Сығанаҡ мәғлүмәттәре буйынса, май аҙағы һәм июнь башы һалҡын һәм ямғырлы буласаҡ. Яуым-төшөм көн һайын фаразлана. Һауа температураһы 29 майҙан 4 июнгә тиклем көндөҙ +16, +23 градус тәшкил итәсәк. Иң һалҡын көндәр 30 майҙа һәм 2 июндә буласаҡ — көндөҙ +16, төндә +8 градусҡаса.

Һауа температураһы 5 июндән күтәрелә башлай. Был көндө +26 градусҡаса йылы булыуы көтөлә. Июндең тәүге декадаһы аҙағында һауа көндөҙ +27 градусҡаса йылына. Шул уҡ ваҡытта ямғырҙар туҡтамаясаҡ.

Фото: Әлиә Хужәхмәтова.