Ҡасан эҫе көндәр әйләнеп ҡайтыр?

Июнь башында Башҡортостанда һалҡын була. Башгидромет синоптиктары мәғлүмәте буйынса, алдағы өс көндә һауа температураһы +23 градустан юғары күтәрелмәйәсәк. Төндә 0-дән +10 градусҡаса булыуы көтөлә. Ҡасан эҫетәсәк?

“Фобос” үҙәге мәғлүмәттәре буйынса, 1 июндән 8-нә тиклем көндөҙгө һауа температураһы +15-тән +23 градусҡа тиклем тирбәләсәк. 10 июндә көндөҙ +25 градусҡаса йылыта. Әммә артабанғы көндәрҙә температура йәнә түбәнәйә — +21 градусҡа тиклем.

Синоптиктар фаразлауынса, эҫе көндәр республикаға июндең икенсе яртыһында әйләнеп ҡайтасаҡ. 16 июндә термометр бағанаһы +30 градус билдәһендә була. Июль уртаһына тиклем эҫе һауа торошо көтөлә. Ҡайһы бер көндәрҙә термометр +33 градус күрһәтәсәк.

Фото: Әлиә Хужәхмәтова.