Арабыҙҙа саф һөйөүҙе һүндермәйсә һаҡлайыҡ

Ай, онота яҙғанмын бит
Мин дә ғашиҡтар көнөн.
Алабарманланып, күҙҙе
Бағанаға төкөнөм.

Күгәрҙе күҙ, һул күҙ менән
Яҙыуҙарға күҙ һалдым.
Иҫкә төштө - кәләшемә
Сәскәләр һатып алдым.

Йүгерәбеҙ донъя тиеп,
Алға, артҡа ҡарамай.
Күңелдәге саф хистәрҙе
Оноторға ярамай.

Оло һөйөү илдәренән
Икәү бергә атлайыҡ,
Арабыҙҙа саф һөйөүҙе
Һүндермәйсә һаҡлайыҡ!

Барыһын да оноттора
Ығы-зығы замана.
Күктәрҙән ергә төшөрҙө
Урамдағы бағана.

Флүрә ЙОМАҒУЖИНА.

(Йылайыр районының Ҡашҡар ауылынан Илүзә менән Айтуған Ҡоҙашевтарҙың матур фотоһүрәтенә яҙылған шиғыр).

Фото: Ҡоҙашевтарҙың ғаилә альбомынан.